خواطر قرآنية 5

بتبقى حاجة حلوة أوي لما الواحد فينا بيحس إن حد تاني عامله حاجة مخصوصة عشان خاطره، لإن احنا كلناغالباً بنحب الشعور بالتميز دة ! شوفتي جوزي جابلي هدية حلوة ازاي!) و طبعاً ديه حاجة نادرة :((، شفتأبويا هيسفرني فين! و كلمة السر في كل المناسبات ديه هي ” عشان خاطرك “!طب إيه رأيكم لو كل واحد فينا إستشعر من جواه إن كل حاجة مخلوقة في الارض من ربنا عشانه هو و هي!ساعتها الواحد بيحس بالتميز فعلاً و بتكريم ربنا ليه، زي ما ربنا قال )و لقد كرمنا بني آدم(، طبعاً دة مشكلامي أنا بس شوف الاية في أوائل سورة البقرة بتقول إيه )هو الذي خلق لكم ما في الارض جميعاً(… ياه يارب كل حاجة عشانا احنا! هي كلمة )لكم( ديه مربط الفرس : )أنا فعلاً لما بكون بقرأ القران بيشد انتباهي أوي الكلمة أو فعلياً الحرف دة، ازاي يبقى ربنا عمال يكلم كل واحدفينا و يقوله أنا خلقلك كل حاجة عشان خاطرك و نبقى احنا ولا على بالنا نشكره !!!المرة اللي جية و إنت و إنتي بتقري القران ركزي في كلمة )لكم( و )لهم ) .و أخيراً أسبكم مع الآيات في اواخر سورة يس )أو لم يروا أنا خلقنا لهم مما عملت أيدينا أنعاماً فهم لها مالكون وذللناها لهم فمنها ركوبهم و منها يأكلون و لهم فيها منافع و مشارب أفلا يشكرون )يالا تلاتة )لهم( مرة واحدة :((( و في أخر الآية بيقولي و بيقولك حس على دمك شوية )أفلا يشكرون( 🙁