خواطر رمضانية ١٦

عن سورة الإسراء والكهف ومريم!

تلات سور جايين ورا بعض مش كده؟ طب عمرك أخذت اخدتي بالك إن التلات سور الآيات فيهم بينتهوا بنفس الحرف باستثناء كام آية هنقولهم….يعني ممكن الواحد فينا يكون بيقرا تقريباً جزئين و مش واخد باله!

طب إيه هي الآيات دي؟ أول آية في سورة الإسراء تنتهي بحرف الراء و بعدين السورة كلها وسورة الكهف آياتها تنتهي بحرف الألف، بعد كدة أول آية في سورة مريم تبدأ بالحروف المقطعة (كهيعص)، و بعدين الجزء الوحيد فيها اللي مختلف هو الجزء اللي ربنا يعلق فيه على قصة سيدنا عيسى عليه السلام، ودة ساعات بيحصل في القرآن الكريم للفت الانتباه، زي ما أب أو أم يكون بيكلم ولاده وفجأة يقوم شاخط فيهم شخطة يتعدلوا على طول

الحاجة التانية الجميلة في سورة الإسراء والكهف هي كالتالي… كلنا غالباً سمع أحاديث بتتكلم عن أهمية الذكر ويمكن من أشهرها سبحان الله و . الحمد لله و لا إله إلا الله والله أكبر… تمام لحد هنا؟

طب اقرأ أول آية في سورة الإسراء ( بِسْمِ ٱللَّهِ ٱلرَّحْمَٰنِ ٱلرَّحِيمِ سُبْحَٰنَ ٱلَّذِىٓ أَسْرَىٰ بِعَبْدِهِۦ لَيْلًۭا مِّنَ ٱلْمَسْجِدِ ٱلْحَرَامِ إِلَى ٱلْمَسْجِدِ ٱلْأَقْصَا ٱلَّذِى بَٰرَكْنَا حَوْلَهُۥ لِنُرِيَهُۥ مِنْ ءَايَٰتِنَآ ۚ إِنَّهُۥ هُوَ ٱلسَّمِيعُ ٱلْبَصِيرُ) هنلاقي فيها تسبيح، طب اقرا آخر آية ( وَقُلِ ٱلْحَمْدُ لِلَّهِ ٱلَّذِى لَمْ يَتَّخِذْ وَلَدًۭا وَلَمْ يَكُن لَّهُۥ شَرِيكٌۭ فِى ٱلْمُلْكِ وَلَمْ يَكُن لَّهُۥ وَلِىٌّۭ مِّنَ ٱلذُّلِّ ۖ وَكَبِّرْهُ تَكْبِيرًۢا) هنلاقي فيها حمد و تكبير… بس كدة؟ لأ مش بس

خش على أول آية ( بِسْمِ ٱللَّهِ ٱلرَّحْمَٰنِ ٱلرَّحِيمِ ٱلْحَمْدُ لِلَّهِ ٱلَّذِىٓ أَنزَلَ عَلَىٰ عَبْدِهِ ٱلْكِتَٰبَ وَلَمْ يَجْعَل لَّهُۥ عِوَجَا ۜ) هنلاقي فيها حمد وآخر آية (قُلْ إِنَّمَآ أَنَا۠ بَشَرٌۭ مِّثْلُكُمْ يُوحَىٰٓ إِلَىَّ أَنَّمَآ إِلَٰهُكُمْ إِلَٰهٌۭ وَٰحِدٌۭ ۖ فَمَن كَانَ يَرْجُوا۟ لِقَآءَ رَبِّهِۦ فَلْيَعْمَلْ عَمَلًۭا صَٰلِحًۭا وَلَا يُشْرِكْ بِعِبَادَةِ رَبِّهِۦٓ أَحَدًۢا) اللي هو شرح لا إله إلا الله!

بس كدة