خواطر رمضانية ٦

إيه أول حاجة بتيجي في بالك لما تسمع إسم سورة لقمان؟ 

ولو مش عارف السورة كويس، مفيش مشكلة  خد من وقتك خمس دقايق دلوقتي واقراها مرة واحدة.

غالباً مرتبط في أذهان غالبية الناس السورة ديه بالحكمة حتى اشتهر بين الناس كلمة لقمان الحكيم لورود ذلك في الآية (وَلَقَدْ ءَاتَيْنَا لُقْمَٰنَ ٱلْحِكْمَةَ أَنِ ٱشْكُرْ لِلَّهِ ۚ وَمَن يَشْكُرْ فَإِنَّمَا يَشْكُرُ لِنَفْسِهِۦ ۖ وَمَن كَفَرَ فَإِنَّ ٱللَّهَ غَنِىٌّ حَمِيدٌۭ) تمام كدة

طب أخدتي بالك إن ربنا في أول السورة وصف القرآن بالحكمة برضه، فقال تعالى ( تِلْكَ ءَايَٰتُ ٱلْكِتَٰبِ ٱلْحَكِيمِ)،  و بعديها بكام آية وصف نفسه سبحانه و تعالى بالعزيز الحكيم فقال تعالى (خَٰلِدِينَ فِيهَا ۖ وَعْدَ ٱللَّهِ حَقًّۭا ۚ وَهُوَ ٱلْعَزِيزُ ٱلْحَكِيمُ) ، و بعديها بصفحة و نص تقريباً وصف نفسه سبحانه بالعزيز الحكيم تاني (وَلَوْ أَنَّمَا فِى ٱلْأَرْضِ مِن شَجَرَةٍ أَقْلَٰمٌۭ وَٱلْبَحْرُ يَمُدُّهُۥ مِنۢ بَعْدِهِۦ سَبْعَةُ أَبْحُرٍۢ مَّا نَفِدَتْ كَلِمَٰتُ ٱللَّهِ ۗ إِنَّ ٱللَّهَ عَزِيزٌ حَكِيمٌۭ) !

وكدة بقى القران كله… الإعجاز اللغوي فيه شيء يفوق الوصف